अलकायदाले मान्छे उचालेको गद्धाफीको आरोप

लिबियाका नेता कर्नल मुअम्मर गद्दाफीले लिबियाका जनताले आफुलाई माया गर्ने दावी गर्दै आफनो विरुद्ध उनीहरु प्रर्दशनमा नउत्रिएको बताएका छन् । गद्दाफीले प्रर्दशनकारीलाई अल कायदाले उस्काएको आरोप पनि लगाएका छन । विविसिसंगको अन्र्तवार्तामा गद्दाफीले लिबियाका जनता आफू प्रति बफादार रहेको वताएका छन । उनले सुरक्षाकर्मीलाई प्रर्दशनकारी माथि गोली प्रहार गर्न आदेश नदिएको पनि दावी गरे । यसैबीच लिबियाको मिसारत शहरमा प्रर्दशनकारी र समर्थकबीच झडप भएको छ ।

Khabar Sansar: माओवादी सरकारमा नजाने

www.hamrakura.com ,www.facebook.com,www.hi5.com.Khabar Sansar: माओवादी सरकारमा नजाने

यहि चालले संविधान बन्छ ?

साना दलसहित तीन दलका शीर्ष नेता सम्मिलित समिति बनाउने विषयमा छलफल गर्न वसेको संवैधानिक समितिको बैठकमा सदस्यहरु वोल्ने क्रम नसकिएपछि आज समिति गठन भएन । संवैधानिक समितिका सभापति नीलाम्बर आचार्यको आह्वानमा हिजो बसेको तीन दलका शीर्ष नेताहरुको बैठकले अन्य दलसँग छलफल गरी संवैधानिक समितिको मातहत रहने गरी आज उपसमिति बनाउने निर्णय गरेका थिए । तर सबै सदस्यले बोल्नेक्रम नसकिएकाले यसबारेमा भोलिमात्र टुङ्गो लाग्ने समितिका सभापति निलाम्बर आचार्यले जानकारी दिनुभयो । बैठकमा कांग्रेसले राज्य पुनस्रंरचना आयोग गठन गर्नुपर्ने प्रस्ताव गरेको छ । संसदीय दलका नेता रामचन्द्र पौडेलले राज्य पुनस्रंरचना आयोग गठन गरी राज्य पुनस्रंरचना गरे समयमै संविधान निर्माण हुने बताउनुभयो । माओवादी नेता देव गुरुङले आयोग गठनप्रति असहमति जनाउँदै संविधान संशोधन गरी समितिको प्रतिवेदनमाथि नै छलफल गर्नुपर्ने बताउनुभयो । गुरुङले राज्य पुनस्रंरचना आयोग गठनबारे संविधानसभा अध्यक्ष र अन्य दलसँग छलफल गरी टुंग्याउनुपर्ने बताउनुभयो । तर संवैधानिक समितिका सभापति नीलाम्बर आचार्यले विवादित विषय संवैधानिक समितिले टुंग्याउन नसके सिधै संविधानसभामा जाने बताउनुभएको छ । तीन दलका शीर्ष नेताहरुले उपसमिति गठन गर्ने सहमति गरे पनि त्यसलाई संवैधानिक समितिले अनुमोदन गर्नुपर्ने उहाँको भनाई थियो । संविधानसभामा अझै ८३ बुँदामा सहमति जुट्न सकेको छैन ।

एमालेको मुलुक दुर्घटनामा फस्ने-यादव

फोरम अध्यक्ष उपेन्द्र यादवले नेपालका कम्युनिष्ट पार्टीले कम्युनिष्टको सिद्धान्त र नामको वदनाम गरेको आरोप लगाउनुभएको छ । बारामा मंगलवार पत्रकार सम्मेलनमा वोल्दै अध्यक्ष यादवले कम्युनिष्ट पार्टीहरु साइन वोर्डमा सिमित रहेको वताउनुभएको छ । उहाले एमालेको कारण देश दुर्घटनामा पर्ने समेत वताउनुभयो । यादवले एमाले र माओवादी विच भएको सात वुदे गोप्य सहमतिले मुलुक र शान्ति प्रकि्रया धरापमा पर्ने चेतावनी समेत दिनुभयो । उहाले सेना समायोजनको ढाचा कुनै दलले नभई सेना समायोजन विशेष समितिले तयार पार्नुपर्ने वताउनुभयो । एमाले र माओदीविच भएको सात वुदे सहमतिमा माओवादी सेना अलग्गै फौज वनाई राख्ने सहमति भएको छ । उहाले वाम गठ वन्धन मात्र नभई वाम लोकतान्त्रिक तथा मधेशी गठवन्धन हुनुपर्ने वताउनुभयो ।

न्युजिल्याण्डमा शक्तिशाली भुकम्प

न्यूजिल्यान्डको राजधानी क्राइष्ट चर्चमा ६ दशमलव तीन रेक्टर स्केलको भूकम्पमा जाँदा ६५ जनाको मृत्युभएको छ । राजधानी क्राइष्ट चर्चबाट १० किलोमिटर दक्षिणपूर्वमा केन्द्रबिन्दू रहेको भूकम्पले ब्यापक जनधन क्षति गरेको बताइएको छ । भत्किएका भवनहरुमा उद्धार तथा खोजी कार्य जारी छ । भूकम्पपछि सरकारले न्युजिल्यान्डमा संकटकाल घोषणा गरेको छ । प्रधानमन्त्री जोन कीले खोजी उद्धार र राहत कार्यलाई तीब्रता दिन निर्देशन दिएका छन् ।

फेरि नयाँ सहमति

काठमाण्डौं-फागुन ३ गते मंगलवार ।

सरकार र माओवादीविच फेरि अर्को सहमति भएको छ । प्रधानमन्त्री झलनाथ खनाल चयन हुने वेलामा गत फागुन २० गते माओवादी र एमाले अध्यक्ष विच सात वुदे सहमति भएको थियो । सहमतिमा भएका कतिपय वुदामा अन्य दलहरु मात्र होईन स्वयम एमालेले समेत असहमति राखेपछि सहमतिका यी वुदा अन्यौलमा परेका थिए । सहमतिमा एमाले र माओवादीविच आलोपालो गरि सत्ता साचालन गर्नेमाओवादी लडाकुलाई अलग्गै फोस्र बनाई राख्ने लगायतका सहमति भएको थियो । यसमा एमाले अध्यक्ष झलनाथ खनाल सहमत भएपछि उनलाई माओवादीले मतदान गरि प्रधानमन्त्रीमा निर्वाचित गरेको थियो । तर यी दुई दलहरुविच भएको यो सहमतिमा एमालेले नै असहमति जनाएपछि सहमति कार्यान्वयन हुन सकेको थिएन । यसलाई परिमार्जन सहित मंगलवार माओवादी-एमालेले नया सहमति गरेका छन । नया सहमतिमा पुराना विवादस्पद कुरा परिमार्जन गरिएको छ । यसअघि जनताको समावेशी संविधान वनाउने भनिएकोमा अहिले हालसम्म प्राप्त उपलब्धिलाई संस्थागत गर्ने उल्लेख गर्दै लोकतान्त्रिक शब्दको समेत उल्लेख गरिएिको छ । सहमतिमा गृह मन्त्रालय माओवादीलाई दिने पनि उल्लेख गरिएको छ ।

सर्वसत्तावादको तयारी

काठमाण्डौं,फागुन ६ गते ।नेपाली कांग्रेसका सभापति सुशील कोइरालाले एमाले र माओवादीबीच भएको ७ बुँदे सहमति मुलकका लागि घातक भएको बताउनुभएको छ । नेपालगाज जानेक्रममा आज दाङ क्षेत्र नम्बर २ को पाखापानीमा भएको कार्यक्रममा सभापति कोइरालाले सात बँुदे सहमति दुई व्यक्तीबीच वन्द कोठामा भएको भन्दै यसलाई कांग्रेसले स्विकार गर्न नसक्ने स्पष्ट पार्नुभयो । उहाले सर्वसत्तावाद लादने उदेश्यले सातहमति भएको टिप्पणी गर्नुभयो । उहाँले कांग्रेस प्रजातन्त्रबादी पार्टी भएकोले बहुलबादको सिद्धान्तमा अडिग रहेको बताउनुभयो । प्रजातन्त्रको रक्षुका लागि कांग्रेसका नेता तथा कार्यक्रर्तालाई एक जुट भई अगाडि बढ्न पनि उहाँले आग्रह गर्नुभयो । उहाले संविधानका अधिकांश मुद्धामा सहमति भइसकेकोले समयमा संविधान निर्माण हुने विश्वास ब्यक्त गर्नुभयो ।

८३ बुदामा सहमति हुन बाकी

संविधानसभामा प्रतिनिधित्व गर्ने २८ दलबीच उच्चस्तरीय कार्यदलमा सहमति जुट्न नसकेका संविधान निर्माणसम्बन्धी ८३ बुदामा आजबाट छलफल सुरु भएको छ । िसंहदरवारमा आज बसेको २८ दलको बैठकले यसअघि उच्चस्तरीय कार्यदलमा सहमति भएका एक सय २७ बुँदालाई अनुमोदन गरेको छ । कार्यदलमा सहमति भएका एक सय २७ बुँदामध्ये न्यायपालिकाको विषयलाई भने असहमतिको बुँदासहित संवैधानिक समितिमा पठाउने निर्णय भएको छ । आजबाट छलफल सुरु भएको विवादित ८३ बुँदामध्ये आज संविधानको प्रस्तावनाको पहिलो बँुदामै दलहरुबीच विवाद उत्पन्न भएको छ । प्रस्तावनाको पहिलो बँुदामा रहेको नयाँ संविधानको नामका विषयमै दलहरुबीच विवाद देखिएको छ । प्रस्तावनामा यसअघि विषयगत समितिबाट पनि केही फरक प्रस्ताव आएका थिए । दलहरुले संविधानको नामका लागि समाजवाद उन्मुख गणतन्त्र नेपालको संविधान गणतन्त्र नेपालको संविधान जनताको संघीय गणतन्त्र नेपालको संविधानलगायत प्रस्ताव गरेका छन् । आजबाट सुरु भएको असमतिका ८३ बुँदामा राज्यको शाककीय स्वरुप बहुलवाद न्यायपालिकालगायत छन् ।

विश्व सम्पदा सुचीमा रहेको प्रतापपुर मन्दिर क्षतिग्रस्त ।

काठमाण्डौं,माघ ३ गते मंगलवार । विश्व सम्पदा सुचीमा स्वयम्भुमा रहेको प्रतापपुर मन्दिर चटयाङमा परि क्षतिग्रस्त भएको छ । आज विहान परेको चटयाङले मन्दिरको अधिकांश भाग क्षतविक्षत भएको हो । तत्कालीन राजा प्रताप मल्लले निर्माण गरेको प्रतापपुर मन्दिरको चार ठाउँमा चट्याङ परेको थियो । चटयाङले मन्दिरको जगमा समेत असर पुग्ोको छ । चटयाङ पर्दा मन्दिरका सामग्री दुई किलोमिटर परसम्म उछिट्टिएका थिए । मन्दिरबाहिरको एउटा मूर्ति पनि पूर्णरुपमा क्षतिग्रस्त भएको छ । क्षति निरीक्षण गर्न आजै पुरातत्व विभागका पदाधिकारीहरु मन्दिरमा पुगेका थिए । स्वयम्भु व्यवस्थापन तथा संस्कृति महासमितिले विश्व सम्पदा सूचीमा रहेको यो मन्दिर तत्काल पुनःनिर्माण गर्न माग गरेको छ । यसअघि २०६० साल साउन १९ गते पनि चटयाङ परेर प्रतापपुर मन्दिरमा आगलागी भएको थियो ।

एकलौटी ढंगले अघि बढे परिणाम राम्रो हुदैन-प्रधानमन्त्री नेपाल

प्रधानमन्त्री माधवकुमार नेपालले कांग्रेस नेता रामचन्द्र पौडेललाई प्रधानमन्त्री बनाउनुपर्ने प्रस्ताव गरेपछि एमालेमा मतभेद देखिएको छ । िसंहदरवारमा आज बसेको एमाले संविधान सभादलको बैठकमा प्रधानमन्त्री नेपालको यो प्रस्तावप्रति एमालेका संस्थापन पक्षका सभासद्ले आलोचना गरेका हुन् । प्रधानमन्त्री नेपालले रामचन्द्र पौडेललाई प्रधानमन्त्री बनाउनुपर्ने प्रस्ताव गरेकोमा केही सभासद्ले आलोचना गरेपछि प्रधानमन्त्री नेपाल निकै आक्रोषित बन्नुभएको थियो । सभासद्हरुको आलोचनापछि प्रधानमन्त्री नेपालले पार्टी नेतृत्व एकलौटी अघि बढे नराम्रो परिणाम भोग्नुपर्ने चेतावनी नै दिनुभयो । प्रधानमन्त्री नेपालले राजनीतिक गतिरोधका सन्दर्भमा नेतृत्वको नीति असफल भइसकेको र आफ्नै पार्टीका नेता तथा मन्त्री कुटिँदासमेत माओवादीको आलोचना गर्न नसकेको भन्दै बैठकमा नेतृत्वको चर्को आलोचना गर्नुभयो । माओवादीले एमाले नेतृत्वको सरकार प्रति अविश्वास पैदा गराउने अभिव्यक्ति दिएकै कारण आफुले पौडेललाई प्रधानमन्त्री बनाउन प्रस्ताव गरेको जवाफ नेपालले दिनुभएको थियो । वैठकमा प्रधानमन्त्री नेपालले विश्व परिवेश र लोकतन्त्रको सुदृढीकरणका लागि कांग्रेससंग सहकार्य गर्नुपर्ने तर हतियार सहितको माओवादीको नेतृत्व स्वीकार्न नसकिने स्पष्ट पारेपछि बैठकमा स्पष्ट दुई धार देखीएको थियो । बैठकपछि प्रधानमन्त्री नेपालले माओवादीलाई विशेष अधिवेशन सम्वन्धी प्रस्ताव फिर्ता लिन आग्रह गर्ने र माओवादी पछि नहटे विपक्षमा मतदान गर्ने बताउनुभयो । एमाले अध्यक्ष झलनाथ खनालले भने यसअघि केन्द्रिय समितिले गरेको निर्णय संसदीय दलले पारित गरेको र एमाले आफ्नो निर्णयमा अडिग रहेको स्पष्ट पार्नुभयो । बैठकले माओवादी र कांग्रेस दुवैको प्रस्तावको विपक्षमा मतदान गर्न निर्देशन दिएपछि सभासदहरुले सरकारको नेतृत्वकर्ता दलको नाताले एमालेले सहमति खोज्नुको सट्टा असहमतिको कारण बनेको भन्दै नेतृत्वमाथि खनिएका थिए ।