सुनको मुल्य अहिले सम्म कै बढी

उच्च बिन्दुमा पुगेको छ । स्थानीय बजारमा साताको अन्तिम दिन शुक्रबार सुन प्रतितोला ४१ हजार एक सयमा कारोवार भएको हो । त्यस्तै चाँदी पनि एक हजार एक सय ७५ रुपैयाँ प्रतितोलामा कारोवार भएको छ । जुन हालसम्मकै उच्च मूल्य हो । साताको पहिलो दिन आइतवार ४० हजार सात सय दुई रुपैयाँ प्रतितोलामा कारोवार भएको सुन दोस्रो दिन अघिल्लो दिनको मूल्यमा प्रतितोला ४६ रुपैयाँले बृद्धि भई ४० हजार सात सय ४८ रुपैयाँमा कारोवार भएको थियो । मंगलवार मूल्यमा प्रतितोला एक सय ४६ रुपैयाँले गिरावट आई ४० हजार ६ सयमा कारोवार भएको थियो । साताको पाँचौ दिन विहिबार मंगलवारको तुलनामा पुन ५० रुपैयाँले मूल्यबृद्वि भई ४० हजार ६ सय ५० रुपैयाँमा कारोवार भएपनि अन्तिम दिन मूल्यमा प्रतितोला चार सय ५० रुपैयाँले बृद्धि भई ४१ हजार एक सयमा कारोवार भयो । यस्तै तेजावी सुन साताको पहिलो दिनको तुलनामा प्रतितोला तीन सय ९७ रुपैयाँले बृद्वि भएको छ । चाँदीको मूल्य समेत उच्च बिन्दुमा पुगेको छ । साताको पहिलो दिन एक हजार एक सय २५ रुपैयाँमा कारोवार भएको चाँदी अन्तिम दिन एक हजार एक सय ७५ रुपैयाँमा कारोवार भएको नेपाल सुनचादी व्यवसायी संघले जनाएको छ ।

केन्द्रिय संसद दु्ई सदनात्मक वनाउने सहमति

नयाँ संविधानमा केन्द्रिय व्यवस्थापिका-संसद दुई सदनात्मक राख्ने सहमति भएको छ । संबिधानका विवादास्पद विषय टुग्याउन गठित संवैधानिक समिति अन्र्तगतको उपसमितिको आज संसद सचिवालयमा बसेको पहिलो बैठकले यस्तो सहमति गरेको हो । यो दुई सदनात्मक ब्यवस्थापिका संसदको क्षेत्राधिकारका विषयमा भने अर्को बैठकमा छलफल हुने भएको छ । एकिकृत नेकपा ंमाओवादीले एक सदनात्मक संसद हुनुपर्ने भन्दै राखेको पूर्व अडानवाट पछि हटेपछि उपसमितिमा सहमति जुटेको हो । तर माओवादीले दुई सदनलाई अहिलेकै रुपमा नभएर त्यसलाई परिमार्जन गर्नुपर्ने बताएको छ । दुई सदनको नाम प्रतिनिधि सभा र राष्ट्रिय सभा राख्ने सहमति समेत उपसमितिले जुटाएको छ । उपसमितिका सदस्य एवं कांग्रेस संसदीय दलका नेता रामचन्द्र पौडेलले केन्द्रीय व्यबस्थापिका सम्बन्धी विबाद टुगिएकोले यसपछि धेरै प्रश्नको हल हुने बताउनुभयो । संवैधानीक समितिका सभापति निलाम्बर आचार्यले पहिलो दिनको छलफल सकारात्मक रहेकोले फागुन मसान्तसम्म विबाद टुिगंने विश्वास व्यक्त गर्नुभयो । प्रादेशिक सदन एक सदनात्मक बनाउने बिषयमा यसअघि उच्चस्तरिय कार्यदलले सहमति जुटाइसकेको छ । संविधानका विवादास्पद ७५ प्रश्न मध्ये करिव दुई दर्जन प्रश्नावली व्यवस्थापिका कति सदनात्मक हुने विषयसँग सम्वन्धित छन् । उपसमितिको अर्को बैठक विहिबार भएको छ ।

यानाको कमाल

भारतीय मोडल याना गुप्ताले आफनो गुप्तांग देखाएकी छन । उनले प्रुक लगाएर भित्र पेन्टी नलगाई सार्वजनिक समारोहमा सरिक भएपछि यो रहस्य खुलेको हो । सवैभन्दा रोचक पक्ष त के हो भने उनले पेन्टी नलगाएको तस्विर सार्वजनिक भएको छ । फोटोग्राफहरु यो तस्वीर खिच्न सफल भएका छन । तस्वीर हेर्नुस मजा लिनुस ।

जीप खस्दा पाच जनाको मृत्यु

बाग्लुङको मल्म गाविसस्थित डाग्दीखोलामा जीप दुर्घटना हुँदा ५ जनाको घटनास्थलमै मृत्यु भएको छ । दुर्घटनामा अन्य ५ जना गम्भीर घाईते भएका छन् । दुर्घटनामा मृत्यु हुनेमा पाण्डबखानी ६ का ४४ वर्षीय भक्तबहादुर पुन २५ वर्षीय श्याम काउचा मगर २३ वर्षीय दिनेश श्रीष २० वर्षीय विक्रम श्रीष र १८ वर्षीय दिपक पुन छन् । त्यस्तै पाण्डवखानी गाविसकै ४० वर्षीय बलबहादुर श्रीष २७ वर्षीय कुमार थापा २४ वर्षीय प्रकाश श्रीष १८ वर्षीय गंगा श्रीष र चालक २६ वर्षीय चित्रबहादुर मगर घाइते भएको प्रहरीले जनाएको छ । घाईतेहरुको धौलागिरी अन्चल अस्पताल बाग्लुङमा उपचार भइरहेको छ । जिल्लाको पाण्डबखानी गाबिसबाट गलकोट हटियाका लागि छुटेको ना १ ज १२८६ नम्बरको जिप मल्म गाविसको डाग्दीखोलमा दुर्घटना भएको हो । गएराती दस बजेतिर जिप सडकबाट करीव २ सय मिटर तल खोलामा खसेको थियो । जिपमा गलकोट हटियामा हुने गल्कोट उच्च माविको वाषिर्कउत्सव कार्यक्रममा सहभागी हुने यात्रु थिए ।