पार्टी भित्रको विरोधी छिटै समाप्त हुने डा.भट्टराईको भनाई

माओवाी उपाध्यक्ष समेत रहेका प्रधानमन्त्री डा.वावुराम भट्टराईले पार्टी भित्रको विरोधी समुह छिटै समाप्त हुने वताएका छन । गृह जिल्ला गोरखाको खोप्लाङ पुगेका डा.भट्टराईले पार्टी भित्र सानो समुहमा मात्र विरोधी समुह रहेको भन्दै तिनिहरु छिटो सकिने वताए । उनले माओवादी भित्रको विरोधी समुह १२ वुदे सहमति गर्दा देखि नै असन्तुष्ट रहेको भनदै तिनीहरुबाट खतरा नभएको वताए ।
बरु उनले शान्ति प्रक्रियामा साथ नदिए कांग्रेस–एमाले जस्ता दलहरु पनि छिटै समाप्त हुने भविष्यवाणी गरेका छन । उनले यी दुई दलको भविष्य नै जोखिममा पर्ने चेतावनी दिएपनि अबको दुई महिनामा शान्ति प्रक्रिया अघि बढाउन यिनले मद्धत गर्ने विश्वास पनि ब्यक्त गरे ।