रत्नपार्क शान्तिबाटिकाबाट विरोध र्यालीसहित सिहदरवार पुगेर माओवादी उपाध्यक्ष सीपी गजुरेलसहितका नेताहरूले प्रधानमन्त्री डा। बाबुराम भट्टरार्इलार्इ मागपत्र बुझाएका हुन् । दिनको १ बजे माग पत्र बुझाएको नेकपा(माओवादी का उपाध्यक्ष सीपी गजुरेलले बताए । माग पत्र बुझ्दै भट्टरार्इले जनजीविकासम्वन्धी मागहरू पूरा गर्न सरकार सक्रिय रहेको बताउनु भयो । उहाँले केही माग क्रान्ति पुरा भएपछि मात्र हुने भन्दै अहिले प्राप्त भएका उपलब्धिहरू रक्षा गर्दै अघि बढ्नु पर्ने बताउनु भयो । उहाँले विमानस्थल स्तरोन्नतिको काम भारतलार्इ तथा विप्पाबारे नेकपा(माओवादीले प्रष्ट नबुझेरै विरोध गरेको भन्दै असन्तुष्टि जनाउनु भयो ।
माग पत्र बुझाएपछि माओवादी उपाध्यक्ष गजुरेलले ७० बुँदेमाग पूरा गर्ने प्रतिवद्धता प्रधानमन्त्रीले नजनाएको भन्दै आन्दोलन गर्ने चेतावनी दिनुभयो । गजुरेलले भट्टराई सरकार मुलुकको अग्रगतिका लागि बाधक बनेको बताए । उनले भने, ‘हामी अहिले नै हतियार उठाउने पक्षमा छैनौं तर हाम्रा मागप्रति बेवास्ता गरिए हातमा दही जमाएर बस्ने अवस्थामा पनि छैनौं ।’
२०५२ सालमा सशस्त्र विद्रोह सुरू गर्नु अघि भट्टरार्इकै नेतृत्वमा तत्कालिन सरकारलार्इ बुझाएको ४० बुँदे मागमा थपघट गरेर नेकपा–माओवादीले ७० बुँदे माग तयार गरेको छ । ४० बुँदे माग राख्ने बाबुराम प्रधानमन्त्री हुँदा समेत मागहरू पूरा नहुनु दुर्भाग्यपूर्ण भएको नेकपा(माओवादीका नेताहरूले बताएका छन् ।
No comments:
Post a Comment