विश्वकपको सरगर्मी

विश्वकपको सरगर्मीसँगै फुटबल जर्सी लाउनेहरू बजारमा जताततै देखिन थालेका छन् । अन्तर्राष्ट्रिय फुटबल महासंघ ९फिफा० का २ सय ९ सदस्यबाट छानिएका ३२ देशले बिहीबारदेखि ९नेपाली समयअनुसार शुक्रबार बिहान पौने २ बजे० विश्वकपको २० औं संस्करणमा प्रतिस्पर्धा गर्दैछन् । उनीहरूको खेलले कहिल्यै विश्वकपको नजिक पनि नपुगेको नेपालसम्मै फुटबलको माहोल तताएको छ । समाचार एजेन्सीहरूका अनुसार अहिले विश्वभरकै माहोल फुटबलमय बनेको छ ।
ब्राजिलका १२ सहरमा असार ३० गतेसम्म चल्ने विश्वकप डिफेन्डिङ च्याम्पियन स्पेन, तीनपल्टको विजेता जर्मनी, चारपल्ट ट्रफी चुमेको इटालीले जितेको चाहनेको संख्या पनि ठूलै छ । धेरैले आयोजक र सबैभन्दा महँगो टिम ब्राजिलले कीर्तिमान छैटौंपल्ट विश्वकप जित्ने अनुमान गरेका छन् ।
सन् १९३० मा उरुग्वेबाट सुरु भएको विश्वकपको १९ संस्करणमा युरोप र दक्षिण अमेरिकी आठ देश मात्र च्याम्पियन भएका छन् । त्यसैले नयाँ विजेता चाहनेहरू पनि थुप्रै छन् । तर, महारथीहरूलाई हराएर नयाँ विजेता निस्कने सम्भावना कमै छ । अनुसन्धान र विज्ञका अनुसार पनि आयोजक ब्राजिलले विश्वकप जित्ने सम्भावना बलियो छ ।

दक्षिण अमेरिकामा आयोजित विश्वकप कहिल्यै युरोपेली टिमले जितेको छैन । त्यसैले पनि ब्राजिल र अर्जेन्टिनाको सम्भावना उच्च ठानिएको छ । विश्व खेलकुदकै मेगा इभेन्टमा बोस्निया एन्ड हर्जगोभिना यसैपालिदेखि प्रवेश गर्दैछ । एक अर्बभन्दा धेरैले ३२ टिमका ७ सय ३६ खेलाडीको खेल एक महिनासम्म पछ्याउनेछन् । किनभने फुटबल टिम गेम भए पनि सर्वोत्कष्ट खेलाडीको को हुन् भन्ने प्रश्नको स्पष्ट जवाफ विश्वकपको सफलतासँगै जोडिने गर्छ । त्यसैले त पेले र म्याराडोना सर्वकालीन महान् मानिन्छन् । यो विश्वकप मेसी, रोनाल्डो र नेयमरका लागि उनीहरूको उचाइ पछ्याउने अवसर हो ।