नेपालको आईसीसी ट्वान्टी(ट्वान्टी विश्वकप क्रिकेट छनोटमा लगातार दोस्रो जित

नेपालले डेनमार्कलाई ९ विकेटले हराएर बुधबार आईसीसी ट्वान्टी(ट्वान्टी विश्वकप क्रिकेट छनोटमा लगातार दोस्रो जित हात पारेको छ । डेनमार्कले दिएको ८३ रनको विजयी लक्ष्य नेपालले ४४ बल बाँकी छाँदै पार गर्‍यो ।
दुवईको आइसीसी ग्लोवल क्रिकेट एकेडेमीमा भएको खेलमा नेपाललका लागि प्रदीप ऐरीले सर्वाधिक ६५ रन बनाएका थिए भने शरद भेषावकरले १३ रन जोडे । उनीहरुले दोस्रो विकेटका लागि नट आउट ७८ रनको साझेदारी गरेका थिए । ओपनर ब्याट्स् म्यान परेश लोहनी ३ रन बनाएर पवेलियन फर्केका थिए ।
यसअघि नेपालको सानदार प्रदर्शनमा ह्याट्रिक गरेका शक्ति गौचनले चार विकेट लिएका थिए  । त्यसैले डेनमार्कले १९ ओभरमा अलआउट हुँदै  ८२ रन मात्र बनाएको थियो ।  नेपाली बलर पृथु बास्कोटाले २ तथा सञ्जम रेग्मी र वसन्त रेग्मीले पनि १र१ विकेट लिएका थिए । दुई डेनिस ब्याट्स म्यानलाई नेपालले रन आउट गरेको थियो ।

एएफसी च्यालेन्ज कप फुटबलको पहिलो खेलमा नेपालको हार

 काठमाडौंमा बिहीबारबाट सुरु भएको एएफसी च्यालेन्ज कप फुटबलको पहिलो खेलमा नेपालले हार व्यहोरेको छ । त्रिपुरेश्वरस्थित दशरथ रंगशालामा भएको समूह चरणको पहिलो खेलमा नेपाल प्यालेस्टाइनसँग २(० गोल अन्तरले पराजित भएको हो । हारपछि नेपाली टोलीका प्रशिक्षक ग्राहम रोवर्टसले आफ्ना खेलाडीहरुले गल्ती गरेको बताए । रोहित चन्द लगायतका भरपर्दा डिफेण्डरबाट गल्ती भएको भन्दै नेपालले त्यसको सजाय पाएको बताए । घरेलु मैदान र दर्शकको पूर्ण साथ पाएको नेपालले सुरुवाती दुई मिनेट आक्रमक खेल खेलपनि त्यसलाई निरन्तरता दिन सकेन । खेलको चौथो मिनेटमा नै प्यालेस्टाइनका फाहिद एएफ फत्ताहले गोल गर्दै अग्रता दिलाए । काउन्टर अट्याकमा प्यालेस्टाइनी खेलाडीले प्रहार गरेको बल नेपाली गोल रक्षकले रोकनेपनि बाउन्स भएर आएको बलमा पत्ताहले गोल गरेका हुन् ।

तीन दलको बैठक स्थगित गरि शीर्ष नेताहरु फुटबल हेर्न रंगशालामा

प्रमुख तीन दलका शीर्ष नेताहरुको आज हुनुपर्न बैठक भने गृहकार्य नपुगेको भन्दै स्थगित गरिए पनि दशरथ रंगशालामा भएको फुटबल हेर्न भने सँगै भेला भएका छन्। खेल हेर्न प्रधानमन्त्री बाबुराम भट्टराई लगायत शीर्ष नेताहरु भीआइपी दीर्घामा उपस्थित छन्।
माओवादी अध्यक्ष पुष्पकमल दाहाल, कङ्ग्रेस सभापति सुशील कोइराला, विपक्षी दलका नेता रामचन्द्र पौडेल, एमाले नेता माधवकुमार नेपाल, केपी ओली, वामदेव गौतम, पूर्व प्रधानमन्त्री शेरबहादुर देउवा, सभामुख सुवास नेम्वाङ, राप्रपा नेपालका अध्यक्ष कमल थापा पनि रंगशालाको भीआइपी दीर्घामा छन्।

बैठक स्थगित

लडाकुबाट वाइसीएल बनेकाहरूलाई प्याकेज दिने विषयमा टुंगो लगाउन आज बस्ने भनिएको संयुक्त बैठक स्थगित भएको छ। पार्टी हेडक्वार्टर, लडाकुका कमाण्डर, वाइसीएल प्रतिनिधिसहित बैठक बसेर लडाकु वाइसीएललाइ दिने प्याकेज टुंगो लगाउने तयारी भएको थियो। कमाण्डर पासाङजी बाहिर जानु भएका कारण बैठक नबस्ने भयो। २९ गते बस्ने तयारी भएको छ। वाइसीएलका पूर्व महासचिव दिलिप प्रजापतिले भने। लडाकुबाट वाइसीएल बनेकाको तथ्याङ्क संकलन गर्ने तयारी भएको उनले बताए।

कांग्रेसले जातीय आधारमा हुने संघलाई अस्वीकार गर्ने

प्रमुख प्रतिपक्ष कांग्रेसले संघीयता जातीय आधारमा हुन नसक्ने बताएको छ । तराई केन्द्रित १६ जिल्लाका नेता तथा कार्यकर्ताबीच मंगलबार भएको अन्तक्रिर्या र छलफलपछि कांग्रेस जातीय आधारमा हुने संघलाई अस्वीकार गर्ने टुंगोमा पुगेको हो ।

मधेसी नेता तथा कार्यकर्ताले नै जातीय आधारमा संघीयतामा नजान नेतृत्वलाई दबाब दिएका थिए । कांग्रेस सभापति सुशील कोइरालाले अब बहुजातीय र बहुभाषिक प्रदेश बनाउनुपर्छ भन्ने पार्टीको संस्थागत धारणा हुने बताए । पार्टीले यसअघि पटक(पटक छलफल गरे पनि संघीयताबारे संस्थागत धारणा ल्याउन सकेको थिएन । इटहरी भेलापछि कांग्रेसले सातभन्दा बढी प्रदेश निर्माण गर्न नहुने निष्कर्षसमेत निकालेको छ । स्थानीय नेता तथा कार्यकर्ताले बहुजातीय,बहुभाषीको आधारमा संघ निर्माण गर्नुपर्ने, संघको संख्या सातभन्दा बढी बनाउन नहुने र सीमांकन गर्दा जिल्ला टुक्र्याउन नपाइने धारणा व्यक्त गरेका थिए । कांग्रेस सभापति कोइरालाले जातीय आधारमा संघीयतामा जाँदा धेरै देशहरू टुक्रेको बताउँदै थोरै र सबैलाई समेट्ने ढंगको राज्य पुनर्संरचना गरिनुपर्ने बताए । हिमाल, पहाड र तराई तीनै प्रदेशबीच कसरी विश्वासको वातावरण बनाउन सकिन्छ भनेर कांग्रेसले तराईको विचार लिन यो भेला गरेको हो,उनले भने । कांग्रेस केन्द्रीय नीति तथा प्रशिक्षण प्रतिष्ठानले गरेको भेलामा राज्य पुनर्संरचनाको बहस र कांग्रेसको भूमिका बारेमा गगन थापा र शान्ति प्रक्रिया र कांग्रेसको भूमिकाबारे मिनेन्द्र रिजालले कार्यपत्र प्रस्तुत गरेका थिए ।

पर्यटन मन्त्री लोकेन्द्र बिष्टमगर अबुधावी बिमानस्थलमा समातिए

भिसा नै नलगाएको रातो पासपोर्ट बोकेर जर्मनी जान संयुक्त अरब इमरेट्सको अबुधावी पुगेका नेपालका पर्यटन तथा नागरिक उड्डयन मन्त्री लोकेन्द्र बिष्टमगर संयुक्त अरव इमरेट्सको अबुधावी बिमानस्थलमा समातिएका छन् । जर्मनीमा बुधबारदेखि सुरु हुन लागेको पर्यटन मेलामा भाग लिन सोमबार साँझ पत्नीसहित अबुधावी पुगेका मन्त्री बिष्ट त्यहाँको अध्यागमनद्वारा समातिए हुन् । मन्त्री बिष्टले बोकेको कुटनीतिक पासपोर्टमा जर्मनी जाने भिसा नभएको पाएपछि अवुधावी अध्यागमनले उनलाई नियन्त्रणमा लिई सोधपुछ गरेको थियो । स्रोतका अनुसार करिव ४ घण्टा सोधपुछ गरेपछि बिभिन्न च्यानलबाट उनी नेपालका मन्त्री नै भएको प्रमाणित भएपछि उनलाई अध्यागमन कार्यालयमै राखिएको थियो । कुटनीतिक पासपोर्टमा भिसा नलगाई जान पाइन्छ भन्ने ठानेका नेपालका पर्यटनमन्त्री अन्ततः ४८ घण्टासम्म बिदेशी अध्यागमनको नियन्त्रणमा बस्नुपर्ने अबस्था आयो । युएईका लागि कार्यवाहक नेपाली राजदूत दीपक अधिकारीका अनुसार मन्त्री बिष्ट अहिले अबुधावीको ट्रान्जिट होटलमा आराम गरिरहेका छन् । उनको पासपोर्टमा भिसा लगाउनका लागि दुवईस्थित नेपाली दूतावासका अधिकारीले पहल गरिरहेका छन् । ‘आज कार्यलय समयमा भिसा लिन सकिएन’( अधिकारीले भने(’सम्भवत भोली हामी भिसा लिन्छौ र मन्त्री ज्यू भोली साँझ नै जर्मनीतिर लाग्नुहुन्छ ।’ कार्यालय समय २ बजे नै सकिने भएकाले मंगलबार त्यहाँस्थित जर्मन दूतावासमा भिसा लिन नसकिएको अधिकारीको भनाई छ । ‘अबुधावीकै ट्रान्जिट भिसा पनि लिन समय पुगेन’( अधिकारीले भने ‘भोलीसम्म उहाँ एअरपोर्टभित्रै रहेको ट्रान्जिट होटलमा रहनुहुनेछ ।’

राजधानीमा लिपिस्टिक आतंक

राजधानी काठमाण्डौं आजकाल अनेक कारण तनावग्रस्त छ । कहिले बबरमहलमा बम विस्फोट भएर त कहिले कालीमाटीमा भिषण आगलागी भएर । यी अनेक खालका तनावले समस्याग्रस्त राजधानी आईतवार पनि दिनभर बमको हल्लाले अशान्त रहयो । खुलामञ्चमा नेकपा एमालेका नेताहरु कांग्रेस माओवादीलाई सत्तोसरापमा लिप्त भइरहदा यता वानेश्वरमा भने बमको हल्लाले पुरै शहर आतंकित थियो । यहि हल्लापछि नेपाल आर्मीको बम डिस्पोजल टोली वानेश्वर पुग्यो ।
नया वानेश्वरमा बम राखेको हल्ला सर्वत्र चल्यो । जसले गर्दा सर्वसाधरणलाई त्यता जान समेत दिइएन । सवारी जामको कुरै भएन,काठमाण्डौं पुरै अस्तब्यस्त थियो,एकातिर एमालेको सभाले अनि अर्कोतिर बमको हल्लाले ।

बबरमहल बम काण्ड- ६ जना अभियुक्त पक्राउ पछि सार्वजनिक

गत सोमबार ३ जनाको ज्यान जानेगरी बबरमहलमा भएको बम विस्फोटमा संलग्न भएको आरोपमा पक्राउ परेका ६ जनालाई प्रहरीले आज सार्वजनिक गरेको छ। महानगरीय प्रहरी आयुक्तको कार्यालयमा घटनाको छानबिन गर्न गठित समितिले आज पत्रकार सम्मेलन गर्दै संलग्नहरुको नाम सार्वजनिक गरेको हो।
पक्राउ पर्नेहरुमा भीमबहादुर तामाङ, निमा तामाङ, बुद्धिबहादुर गोले, प्रेम तामाङ, सुरेश लामा र सागर लामा छन्।पत्रकार सम्मेलनमा दिइएको जानकारी अनुसार विस्फोट हुनु एक घण्टाअगाडि प्रेम तामाङ, सागर लामा र सुरेश लामाले बबरमहलमा बम राखेका थिए।
निमा तामाङ, भीमबहादुर तामाङ र बुद्धिबहादुर गोलेले विस्फोट गराउने स्थान छनौट, बम बनाउने र योजना बनाउने काम गरेका थिए। घटनाका मुख्य योजनाकार देवराज लामा भएको प्रहरीले बताएको छ। उनी हाल फरार छन्। विस्फोटमा भीमबहादुर तामाङले संयोजनकारी भूमिका निभाएका थिए।

नेकपा एमालेका प्रभावशाली नेता शर्मा ओली कुनै सभासमारोहमा बोल्दा धेरैको ध्यान उहाँतर्फ आकषिर्त हुन्छ । भाषण गर्दा केही न केही तुक्का जोड्ने कलाले धेरैलाई उहाँप्रति आकर्षण बढाएको हो । राष्ट्रिय प्रतिनिधि परिषद् बैठकको उद्घाटन समारोहमो विशाल पंक्ति अगाडि उभिँदा पनि ओलीले दुईचारवटा तुक्का गाँस्न भ्याउनुभयो । माओवादीको कटाक्षमा समय खर्चेका ओलीले आफ्नो लामो भाषणको क्रममा मिसाएका केही तुक्का यस्तो थियो-

· माओवादीले उत्ताउलो र उग्रव्यवहार मच्चाउँदै गएको छ । बाँदरलाई खेताला लगाएर कसैले पनि मकैको कुन्यु खडा गनै सक्दैन ।

एमालेको गाली पुराण खुलामञ्चमा

Jhalanath khanal

शान्ति र संविधानको लागि दबाव तथा पार्टीको आन्तरिक एकताको सन्देश दिन भन्दै आइतबार देशभरबाट कार्यकर्तालाई खुलामञ्च बोलाएको एमालेले यो भन्दा बढी गाली पुराण सुनायो । खुलामञ्च र आसपासमा भरिभराउ कार्यकर्ता देखेर उत्साहित भएका एमाले शीर्ष नेताहरुले माओवादी र कांग्रेसले केही गर्न नसकेकोले एमालेले मात्रै देशलाई निकास दिनसक्ने बताए । तर, पहिलेदेखि भन्दै आएको उही मध्यमार्गी धार बाहेक निकास दिने अचुक उपाय के हो भन्ने चाहिं कसैले केही भनेनन् । ‘माओवादी र कांग्रेसले लोकतन्त्र बचाउन सक्दैनन्’ पार्टी अध्यक्ष झलनाथ खनालले भन्नुभयो(’माओवादीमा ठूलो दलको अहम रहेको र कांग्रेसलाई आफूमात्रै लोकतन्त्रको मसिहा भन्ने भ्रम छ । तर वास्तवमा लोकतन्त्र बचाउन एमालेबाट मात्र सम्भव छ ।’ तर कसरी भन्ने जवाफ भने खनालसित पनि छैन ।