भारतीय प्रधानमन्त्री नरेन्द्र मोदी नेपाल आउने

भारतीय प्रधानमन्त्री नरेन्द्र मोदी साउनको तेस्रो साता नेपाल भ्रमणमा आउने भएका छन् । मोदी नेपाल आए भारतीय प्रधानमन्त्रीको सन् १९९७ पछि पहिलो भ्रमण हुनेछ ।
प्रधानमन्त्रीका रुपमा पहिलो विदेश भ्रमणका क्रमा आइतबार भुटान गएका मोदी जापानपछि नेपालको भ्रमणमा आउने भएका हुन् । मोदी नेपाल(भारत सम्वन्धलाई अझ उचाइ दिनेबारे बृहत छलफल गर्न अगष्ट पहिलो साता काठमाडौं जाने तय भएको भारतीय पत्रिका ‘दि टेलिग्राफ इण्डिया’ले जनाएको छ । रमण टोलीमा विदेशमन्त्री सुश्मा स्वराज, राष्ट्रिय सुरक्षा सल्लाहकार अजित डोभाल, विदेश सचिव सुजाता सिंह लगायत रहने बताइएको छ ।
मोदीले आफ्नो सपथमा सार्क मुलुकका राष्ट्र तथा सरकार प्रमुखलाई बोलाएका थिए । सपथ ग्रहणमा सहभागी हुन दिल्ली पुगेका प्रधानमन्त्री कोइरालासँग मोदीले छुट्टै भेटवार्ता समेत गरेका थिए ।

प्रधानमन्त्री कोइराला उपचारका लागि अमेरिका जाने

प्रधानमन्त्री सुशील कोइराला स्वास्थ्योपचारका लागि सोमबार साँझ ८ बजे अमेरिका उड्ने भएका छन् । प्रधानमन्त्रीसँगै निजी चिकित्सक प्रा.डा. करवीरनाथ योगी, कांग्रेस नेतृ मृदुला कोइराला, अतुल कोइराला र सुरक्षागार्ड प्रकाश देउजा समेत अमेरिका जाने प्रधानमन्त्रीका प्रेस सहयोगी प्रकाश अधिकारीले जानकारी दिए । प्रधानमन्त्री कोइरालाले असार ५ गते म्यानहटनस्थित स्रोल्न क्याटरिङ क्यान्सर अस्पतालमा स्वास्थ्य चेकजाँच गराउने छन् । चीन कुनमिङ भ्रमणपछि स्वदेश फर्किएलगत्तै स्वास्थ्य परीक्षण गर्दा फोक्सोमा दाग देखिएपछि कोइराला उपचारका लागि अमेरिका जान लागेका हुन् । फोक्सोमा सानो दाग देखिएपछि कोइरालालाई चिकित्सकहरुले समय मिलाएर उपचारका लागि अमेरिका जान सुझाव दिएका छन् ।
सात वर्षअघि जिब्रोको क्यान्सरको शल्यक्रिया गराएपछि कोइराला प्रत्येक वर्ष नियमित स्वास्थ्य चेकजाँचका लागि अमेरिका जाने गरेका छन् ।

प्रिती जिन्टामाथि सार्वजनिक स्थलमा यौन हिंसा

बलिउड नायिका प्रिती जिन्टाले आफ्ना पूर्वप्रेमी नेस वाडिया विरुद्ध यौन हिंसाको आरोप लगाएकी छिन् । आइपीएल क्रिकेटको क्रममा  आफूलाई वाडियाले यौन हिंसा गरेको आरोप प्रितीले लगाएकी छिन् । थाने प्रहरीमा उजुरी हाल्दै प्रितीले पूर्व प्रेमीको बिषयमा मुख खोलेकी हुन् । उजुरी दर्ता भएसँगै प्रहरीले जाच सुरु गरेको छ । ५ बर्ष लामो सम्बन्ध पश्चात प्रिती र नेसविच ब्रेकअप भएको थियो । प्रहरीले खेलका क्रममा भएको घटनाको सीसीटीभी फुटेज चेक गर्ने जनाएको छ । प्रितीले आफ्नो जीन्दगी स्वाभिमान पूर्वक बाँचेको भन्दै सार्वजनिक स्थलमा नै नेसले वेइजत गर्दा आफ्नो साथमा कोही नभएको बताएकी छिन् । उनले आफू समक्ष अन्य विकल्प नभएकाले यो कदम चालेको बताइन् ।

प्रकाण्डमाथि प्रचण्ड कारवाही

प्रकाश गिरी
भुमिगतकालमा कमरेड प्रकाण्ड भनेर चर्चित कालिकोटका खडगवहादुर विश्वकर्मा नेकपा माओवादीको कारवाहीमा परेका छन । एनकेपा माओवादी हुदा पनि खरो र कडा कुरा गर्ने उनी खासमा नेत्र विक्रम चन्द पक्षधर नेता हुन । पछिल्लो समय नेकपा माओवादीमा सक्रिय प्रकाण्ड पार्टी नीति विपरित चलेको,समानान्तर कमिटी गठन गरेको,आर्थिक संकलन गरेको आरोपमा कारवाहीमा परेका हुन ।

कोईरालाको मुखमा तुलसीपत्ता

कोईरालाको मुखमा पानपराग र तुलसी पत्ता कहिले पनि खाली हुदैनथ्यो ।
प्रकाश गिरी
नशा कुनै पनि कुराको राम्रो होईन । तर हरेक मानिसमा एक न एक चीजको नशा हुन्छ । कसैमा मादक पदार्थको त कसैमा धुम्रपानको । केवल नशालु पदार्थको नशा मात्र नराम्रो हुने होईन,जुनसुकै कुराको पनि अम्मली हुनु राम्रो होईन । कसैलाई प्रेमको नशा कसैलाई बढी बोल्ने नशा । अर्थात हामी सवै कुनै न कुनै कुराको अम्मली छौं ।
देशकै प्रधानमन्त्री सुशील कोईराला उमेरमा पान,सुपारी,चुरोट,विंडीको अम्मली भएको स्विकारेका छन । दुर्भाग्य के भने त्यहि अम्मलको कारण उनको फोक्सोमा क्यान्सरको लक्षण देखा परेको छ । यसको उपचारको लागि अब उनी अमेरिका जाने तयारीमा छन । झण्डै सात बर्ष अघि पनि उनी यस्तै समस्याको समाधानको लागि अमेरिका गएका थिए । जिव्रोमा भएको क्यान्सरको कारण अमेरिका गएर शल्यक्रिया गरेर कोईराला आएका थिए । यहि कारण नै हो,उनले वोलेको वुझिंदैन ।

सहमति पछि संसद खुल्यो

प्रमुख दलहरुबीच सहमति भएपछि व्यवस्थापिका– संसदको जारी अवरोध बुधबारदेखि हटेको छ ।
प्रमुख दलबीच गत ९ पुसमा भएको ४ बुँदे सहमति कार्यान्वयन गर्ने र रकमान्तर भएको विषयमा सदनलाई जानकारी गराउन सरकार तयार भएपछि संसद सुचारु भएको हो ।

सरकारका तर्फबाट संसद बैठकमा बोल्दै कानुनमन्त्री नरहरि आचार्यले निर्वाचनमा धाँधली भएको भन्ने विषयमा छानबिन गर्न संसदीय समिति बनाउने, सत्य निरुपण तथा बेपत्ता छानबिन समिति बनाउने लगायतमा सहमति भएको जानकारी दिए ।
अर्थमन्त्री रामशरण महतले  खर्च हुन नसक्ने आयोजनाहरुको कार्यक्रम खर्च कम भएका आयोजनाहरुका रकमान्तर गरिएको । उनले बाहिर आएको भन्दा पनि धेरै रकमान्तर भएको भन्दै विगतमा अझ धेरै रकमान्तर हुने गरेको दाबी गरे । टेण्डरमा गइसकेका कार्यक्रमहरु सन्चालनका लागि रकमान्तर गरिएको भन्दै महतले आफ्नो निर्वाचन क्षेत्रमा बजेट पठाएको भन्नेमा कुनै सत्यता नरहेको जिकिर गरे ।

संघीय मामला तथा स्थानीय विकास मन्त्रालयअन्तर्गत केही बजेट गएको भन्दै उनले आफूले आर्थिक बित्तीय अनुशासन पालना गरेको बताए । यसअघि विपक्षीको अवरोधका कारण ७ पटकसम्म संसद बैठक अवरुद्ध भएको थियो ।

विश्वकपको सरगर्मी

विश्वकपको सरगर्मीसँगै फुटबल जर्सी लाउनेहरू बजारमा जताततै देखिन थालेका छन् । अन्तर्राष्ट्रिय फुटबल महासंघ ९फिफा० का २ सय ९ सदस्यबाट छानिएका ३२ देशले बिहीबारदेखि ९नेपाली समयअनुसार शुक्रबार बिहान पौने २ बजे० विश्वकपको २० औं संस्करणमा प्रतिस्पर्धा गर्दैछन् । उनीहरूको खेलले कहिल्यै विश्वकपको नजिक पनि नपुगेको नेपालसम्मै फुटबलको माहोल तताएको छ । समाचार एजेन्सीहरूका अनुसार अहिले विश्वभरकै माहोल फुटबलमय बनेको छ ।
ब्राजिलका १२ सहरमा असार ३० गतेसम्म चल्ने विश्वकप डिफेन्डिङ च्याम्पियन स्पेन, तीनपल्टको विजेता जर्मनी, चारपल्ट ट्रफी चुमेको इटालीले जितेको चाहनेको संख्या पनि ठूलै छ । धेरैले आयोजक र सबैभन्दा महँगो टिम ब्राजिलले कीर्तिमान छैटौंपल्ट विश्वकप जित्ने अनुमान गरेका छन् ।
सन् १९३० मा उरुग्वेबाट सुरु भएको विश्वकपको १९ संस्करणमा युरोप र दक्षिण अमेरिकी आठ देश मात्र च्याम्पियन भएका छन् । त्यसैले नयाँ विजेता चाहनेहरू पनि थुप्रै छन् । तर, महारथीहरूलाई हराएर नयाँ विजेता निस्कने सम्भावना कमै छ । अनुसन्धान र विज्ञका अनुसार पनि आयोजक ब्राजिलले विश्वकप जित्ने सम्भावना बलियो छ ।

राप्रपपामा चर्कियो विवाद

राष्ट्रिय प्रजातन्त्र पार्टीको नेतृत्वलाई लिएर केही महिनादेखि जारी विवाद अहिले उत्कर्षमा पुगेको छ । पार्टी नेता एवं पूर्व प्रधानमन्त्री लोकेन्द्रबहादुर चन्दले सोमबार सूर्यबहादुर थापाको एक वर्षे अवधि सकिएको भन्दै

आफूलाई अध्यक्ष घोषणा गरेका छन् । दिउसो महामन्त्रीसहित समर्थक नेता, कार्यकर्ता लिई चावहिलस्थित पार्टी कार्यलयमा पदभार ग्रहण गरेको घोषणा गरेका थिए । लगत्तै थापाले भने माली गाउँस्थित आफ्नै निवासमा केन्द्रीय समिति बोलाई चन्दको घोषणालाई अराजक र आपत्तिजनकको संज्ञा दिएका छन् । आकस्मिक बैठकपछि जारी विज्ञप्तिमा चन्द पक्षका नेताहरुले विधान मिच्ने काम गरेको दावी गर्दै यसबाट कुनै अप्रिय अवस्था आए सम्बन्धित पक्ष नै दोषी हुने बताएको छ । थापाले यही २५ गते केन्द्रीय समितिको बैठक बोलाएका छन् ।
राप्रपा र राष्ट्रिय जनशक्ति पार्टीबीच गत वर्ष एकिकरण भई नेतृत्व ४ जना शीर्ष नेताबीच चक्रिय प्रणाली अनुसार पालैपालो चलाउने सहमती भएको थियो । उक्त अनुसार अध्यक्ष थापाले गत जेष्ठ ६ गते सम्म, त्यसपछि चन्द र त्यसपछि क्रमशः पशुपति शम्सेर राणा र डा।प्रकासचन्द्र लोहनीले नेतृत्व लिने सहमती भएको दावी चन्द पक्षको छ ।

संविधानसभा अध्यक्षको कार्यभार

प्रकाश गिरी

संविधानसभालाई गति दिन संविधानसभाको अध्यक्षको महत्वपुर्ण भुमिका रहन्छ । अध्यक्षले चाहदा संविधानसभाले गति लिन सक्छ भने नचाहदा यो अलमलमा पनि पर्न सक्छ । तर सवै काम अध्यक्षमा मात्र भर पर्छ भन्ने चाहि होईन तर कम्तिमा पनि अहिले जसरी संविधानसभाका महत्वपुर्ण वैठकहरु केहि मिनेट मात्र वसेर स्थगीत हुने गरेका छन,यो सिलसिलाको अन्त्य हुनेछ ।
संविधानसभाले नया अध्यक्ष पाएपछि उनका केहि जिम्मेवारी हुनेछन । उनले सवैभन्दा पहिला नियमावली मस्यौदालाई पुर्णता दिनुपर्नेछ । यसको लागि ४९सदस्यीय समिति गठन भएको छ र यसलाई अब गति दिनुपर्नेछ । यसले गति लिने वित्तिकै संविधानसभले केहि निश्चित समिति गठन गर्नुपर्नेछ । वुझिएको सत्य के हो भने यो संविधानसभाले गत संविधानसभाले जस्तो,एक दर्जन समिति गठन गर्न जरुरी छैन । यसले केवल विगत संविधानसभाको काम केलाउन,नया मस्यौदा वनाउन र जनताको विचमा जा“दा सहयोग गर्न केवल तिनवटा समिति मार्फत काम लिन सक्छ । सानो र चुस्त समिति वनायो भने यसले काम पनि त्यहि स्तरमा गर्न सक्छ ।

नेम्वाङ सभाध्यक्षमा निर्विरोध निर्वाचित

नेकपा एमालेका नेता सुवासचन्द्र नेम्वाङ सर्वसम्मतिबाट पुनः संविधानसभाको अध्यक्षमा निर्वाचित हुनु भएको छ । दोस्रो संविधानसभा चुनाव सम्पन्न भएको तीन महिनापछि नेम्वाङ सभाध्यक्षमा निर्विरोध निर्वाचित हुनुभएको हो । संवि

धानसभा बैठकमा एमाले संसदीलय दलका नेता केपी शर्मा ओलीको प्रस्तावमा कांग्रेस महामन्त्री कृष्ण सिटौलाले समर्थन जनाएपछि सबै दललाई बोल्ने अवसर दिइएको थियो । बैठकमा सबै दलले नेम्वाङको उम्मेद्वारीमा समर्थन जनाएपछि अन्त्यमा सभाको अध्यक्ष गरिरहेका सूर्यबहादुर थापाले सर्वसम्मतिबाट निर्वाचित भएको घोषणा गर्नुभयो । संविधानसभा सचिवालयले सहमतीय प्रक्रियाबाट अध्यÔ चुन्न दिएको समयसीमाभित्र दलहरूले सहमति जुटाउन नसकेपछि बहुमतबाट अध्यक्ष चयनको प्रक्रिया अगाडि बढेपनि नेम्वाङ निर्विरोध निर्वाचित हुनुभएको हो । निर्वाचित भएपछि संचारकर्मीसग कुरा गर्दै नेम्वाङले दलहरुले एकजुट भएर फरक सन्देश दिएकोमा खुसी व्यक्त गर्दै अब एक वर्षभित्र संविधान जारी गर्न लागि पर्ने बताउनुभयो ।

४३ वर्ष पुरानो जहाज दुर्घटना

आइतबार दिउँसोबाट सम्पर्कविहीन भएको नेपाल वायु सेवा निगमको ट्वीनअटर विमान अर्घाखाँचीको ढिकुरा(८ मसिनेलेकमा दुर्घटनाग्रस्त अवस्थामा भेटिएको छ । दुर्घटनामा चालक दलका तीन सदस्यसहित सवार सबै १८ जनाको मृत्यु भएको छ । करिव ४३ वर्ष पुरानो ट्वीनअटर जहाज एक नाबालकसहित १५ यात्रु लिएर काठमाडौंबाट पोखरा हुँदै जुम्लाका लागि उडेको थियो । १ बजेर १३ मिनेटपछि विमान सम्पर्कविहीन भएसँगै अर्घाखाँचीकै खिदिम गाविसको जंगलमा दुर्घटना भएको भन्दै खोजी गरिएको थियो । तर, दिनभरमा पनि विमान दुर्घटना भएको स्थान पत्ता लागेन ।
सोमबार विहानै विमान ढिकुरा गाविस ८ को मसिने लेकमा दुर्घटना भएको खबर आएपछि प्रहरी टोली पुगेको थियो भने नेपाली सेनाको हेलिकोप्टरले पनि विमान दर्घटना भएको देखेको थियो । प्रहरी, सशस्त्र प्रहरी, सेनासहितको टोली पुग्दा विमान क्षतविक्षत अवस्थामा भेटियो भने सबै यात्रु मृत्यु भइसकेको थियो । शवहरु दुर्घटनास्थलको ५० देखि १०० मिटर वरपरसम्म छरिएर हिउँले पुरिएको अवस्थामा भेटिएको थियो । दुर्घटनास्थलमा २ फिटसम्म हिउँ जमेको थियो ।

संविधानसभा अध्यक्ष चयनका लागि आज निर्वाचन

संविधानसभा अध्यक्ष चयनका लागि आज निर्वाचन हुने भएको छ । संविधानसभा सचिवालयले तय गरेको कार्यतालिका अनुसार राजनीतिक सहमतिका आधारमा सोमबार कुनै उम्मेद्वारी नपरेपछि आज बहुमतीय प्रक्रियाबाट सभाध्यक्ष चयनका लागि निर्वाचन हुनेछ । संविधानसभा सचिवालयले सहमतिमा सभाध्यक्षको नाम प्रस्तुत गर्नका लागि सोमबार बिहान १० बजेदेखि दिउँसो २ बजेसम्मको समय तोकेको थियो । उक्त समय भित्र सहमतिका आधारमा कसैको पनि नाम प्रस्ताव नआएकाले सभाध्यक्ष चयनको प्रक्रिया बहुमतीय प्रणालीमा पुगेको हो । सोमबार निर्धारित समयभित्र कसैको पनि उम्मेद्वारी नपरेको सचिवालयले जनाएको छ । सहमति कायम गर्न एमालेको आह्वानमा सोमबार बसेको सर्वदलीय बैठकमा एमाओवादीले सभाध्यक्ष आफ्नो पार्टीबाट हुनुपर्ने अडान राखेपछि सहमति हुन सकेको थिएन् । एमालेले पूर्व सभामुख सुभावचन्द्र नेम्बाङलाई नै सभामुख बनाउन प्रस्ताव गरेको छ । सोही प्रस्तावलाई नेपाली कांग्रेसले समर्थन गरेको छ । कांग्रेस संसदीय दलको बैठकले एमालेसँग भएको सात बुँदे सहमतिका आधारमा नेम्बाङलाई समर्थन गर्ने निर्णय गरेको कांग्रेसले जनाएको छ ।
यता एमाओवादीसहित केही मधेसवादीदलहरुले भने विगतको प्रक्रियाजस्तै राजनीतिक सन्तुलन कायम गर्न पनि तेस्रो ठूलो दलका तर्फबाट सभाध्यक्ष चयन गर्नुपर्ने अडान राख्दै आएका छन् ।