सवारी साधनको भाउ घटाउन विद्यार्थीको अल्टिमेटम

काठमाण्डौं,माघ २४ गते । सत्तारुढ दलका विद्यार्थी संगठनले सार्वजनिक सवारी साधनको भाडा घटाउन तिन दिने अल्टिमेटम दिएका छन । शनिवार अनेरास्ववियुको कार्यालयमा वसेको वैठकले यस्तो निर्णय गरेको हो ।
अन्र्तराष्ट्रिय बजारमा कच्चा तेलको भाउ घटेपछि नेपालमा पनि निरन्तर भाउ घटिरहेको छ । तर यसको अनुपातमा सार्वजनिक सवारी साधनको भाडा भने घटेको छैन । ब्यावसायी आफैले भाडा घटाउन पहल गर्नुको बदलामा सरकार समेत मौन रहेपछि विद्यार्थीसंगठनहरु तातेका हुन । त्यस्तै,ग्यासको कृत्रिम अभाव हटाई दोहोरो मुल्य हटाउन पनि उनीहरुले माग गरेका छन ।